پند آتا زباد آتٹی تمان ھشینگان
پتک الک ننا جون ننا جان ھشینگان
نن نمکے مرادآ تیا بارود تفینک
نن نمکے تینا استاتے کشکان ھشینگان
سر تیر سمائیک سپائیک وطن نا
نن حق آ کہوکاک فدائیک وطن نا
او او ننا ام زندئٹی رنگ آتا نما اس
او او ننا ام خلقٹی زیب ئس تو ننا اس
او او ننے شوخیک جوانی نا وڑارہ
او او ننے ام لمہ اُرا ہیڑ چُنا ئس
او او ننا قربانُ ارائیک وطن نا
نن حق آ کہوکاک فدائیک وطن نا
صحرا ٹی ملاسی نا منہ چشمہ تخانن
نسل آتیکے نن فکر ئنا پھل پرہ تخانن
نن ظلم زدہ غا تینا مظلوم آ الس کے
اومیت یقین حوصلہ سگ سینہ تخانن
نن نشخ محبت نا وفائیک وطن نا
نن حق آ کہوکاک فدائیک وطن نا
دا جہد ئنا کافر تے مسلمان کرینن
نن دڑدے وطن نا تینا ایمان کرینن
نن رقص کرین عشقنا ساز آتا دھمال آ
بے غرضی نا ٹُل آتیا چوگان کرینن
نن مست مریدآک شئہ ڈاھیک وطن نا
نن حق آ کہوکاک فدائیک وطن نا
اُستاد نُما مرید بلوچ
Create Your Own Website With Webador